معاك يا عم


يـا عمـو مـن فضلـك أقيـف
مشوار بسيط ..مشـوار خفيـف
يـا عمـو مـا العربيـة لـنـج
وقـف معـاك شيـل الضعيـف

أقيف يـا عـم ..أقيـف وارحـم
وسيـب الـذم وتـقـل الــدم
نأشـر لـيـك مـعـاك يـاعـم
تـمـد الـبـوز وتتـكـرضـم

أقيـف يـا عـم أقيـف شلينا
معـاك فـي السكـة وصلـنـا
واكـان كتـرت فـي الوقفـات
محـل مــا تــدور تنزلـنـا

أقيـف يــا عــم علـيـك الله
وشـيـل الحـامـل أم بـلــة
وخلي انحنا ..بالرجليـن بنتحـلا
حرام يا عم تسيب العمة والخالـة
وتمشي بعيد تشيل السمحة قبـالا

حـرام يـا عـم تقـوم جـاري
تسيب الولدة شاقة السكة كـداري
غضـب ربـي بجيـك جـاري
يصيبك زين وترجع تاني كمساري

أكيد يا عم بجي اليـوم البتنشـرّ
تـضـوق الـحـارة والـمّـرة
تشوف يـا عمـو كيـف النـاس
مـــن امثـالـكـم بتـنـشـرّ