جني وجن
---------
جني وجن المسؤول المتسيب وعامل فيها حازم
وجني وجن المجاملات الما ليها لازم

جني وجن الونسه في المطاعم
وجني وجن معاكسة الجنس الناعم

جني وجن عبارة شغلك نضيف
وجني وجن البقول ليك نحن كدا وانتو كيف

وجني وجن الشافع البشحد الضيف
وجني وجن الحرامي وعامل فيها شريف

حاجات زي الدعايه في نص المسلسل
زوجه بوبوباره تبيع دهبها عشان تشتري هاتف محمول ..
شارع فيهو سته مجانين وعشرين مسطول .
.شافع سعودي يناديك اااي يازول..
.حريم يلبسو مراكيب رجال يلبسو دكتور شول

حاجات تنجنن البقر
----------------
مغترب يقول ليك العود احمد
وزوجه تقول ليك لو ما لقيت شغل اشحد
وجار اي مشكله في بيتو يسوقك تشهد


حاجات تخليك منظراتي
---------------------
لاعب كوره يومو كلو قاعد في ضل النيمه
واداره ما عندها غير الخساسه والنميمه
ومدرب يلعب بالخطط القديمه
ولعيبه يرقصو بعد الهزيمه